سب سے زیادہ ترقی یافتہ نوع ہونے کے باوجود کچھ چیزیں ایسی ہیں جو ہم انسان نہیں کر سکتے ہیں جیسے اپنے دماغ کا سائز تبدیل کرنا۔
برسوں کی تحقیق کے بعد پتہ چلا ہے کہ حیواناتی دنیا کے کچھ جاندار اپنے دماغ کے سائز کو تبدیل کرنے کی صلاحیت رکھتے ہیں اور اب ایک نئی تحقیق میں انکشاف ہوا ہے کہ چھلانگ مارنے والی ہندوستانی چیونٹی (Indian jumping ant) ایسا کرسکتی ہے۔
حقیقت یہ ہے کہ یہ چیونٹی صرف اپنے دماغی سائز کو ہی نہیں تبدیل کرسکتی بلکہ بعد میں اسے سابقہ حالت میں بھی لے جاسکتی ہے۔
اپنے دماغ کے سائز میں تغیر لانے کے بعد یہ چیونٹیاں ہفتوں کے اندر اندر اُسی دماغ کو اپنی سابقہ حالت میں لے جاسکتی ہیں۔ یہ اس قسم کی صلاحیت کی نمائش کرنے والا پہلا کیڑا ہے۔
