روس نے چار افراد کو غیر پیشہ ورانہ عملے کے ممبروں اور اداکاروں کے طور پر خلا میں فلم کی شوٹنگ کیلئے منتخب کیا ہے۔
رائٹرز کے مطابق بیرونی خلا میں شوٹ ہونے والی پہلی فلم بننے کی منصوبہ بندی کی جارہی ہے۔ یہ بات روس کی روسکوسموس کی خلائی ایجنسی کی جانب سے بیان میں کہی گئی۔
روزکوسموس اور ناسا کے مطابق ان میں سے کچھ کو 5 اکتوبر کو سویوز ایم ایس -19 کرافٹ خلائی شٹل پر لانچ کیا جائے گا جس کو بین الاقوامی خلائی اسٹیشن پہنچایا جائے گا، خیال رہے کہ بین الاقوامی خلائی اسٹیشن زمین کی گرد 220 میل (354 کلومیٹر) کی بلندی پر گردش کرتا ہے۔
روزکوسموس نے کہا ، “دوسری چیزوں کے علاوہ ، اداکاروں کو سنٹری فیوج ٹیسٹ ، کمپن اسٹینڈ ٹیسٹ ، صفر کشش ثقل طیارے میں تربیتی پروازیں انجام دینا ہوں گی اور پیراشوٹ کی تربیت بھی حاصل کرنی ہوگی۔”
ایجنسی نے بتایا کہ اس فلم کا نام “چیلنج” ہے اور اداکار آج سے چار ماہ کے آخر تک خلائی پرواز کے لئے تربیت حاصل کرنا شروع کردیں گے۔
