بھارتی حکومت ایک ایسا قانون نافذ کرنے جارہی ہے جو کیلیفورنیا کے فیس بک یونٹ کو پرائیویسی تحفظات سے متعلق قواعد و ضوابط کو توڑنے پر مجبور کرسکتا ہے۔
الجزیرہ کے مطابق واٹس ایپ نے اس قانون کے نفاذ کو روکنے کیلئے حکومت کے خلاف مقدمہ دائر کیا ہے جس کے تحت سوشل میڈیا کمپنیوں کو “اصل ذریعہ معلومات” کی شناخت حکام کے مطالبے پر ان کو فراہم کرنی ہوگی۔
واٹس ایپ نے کیس میں دہلی ہائی کورٹ سے مطالبہ کیا ہے کہ وہ اس نئے قانون کو ہندوستانی آئین کی رو سے رازداری کے حقوق کی خلاف ورزی قرار دے۔
اگرچہ قانون میں واٹس ایپ سے مطالبہ کیا گیا ہے کہ وہ صرف ان لوگوں کی شناخت کرنے کی مجاز ہوگی جو غلط انفارمیشن پھیلاتے ہیں تاہم کمپنی کا کہنا ہے کہ وہ یہ کام نہیں کرسکتی کیونکہ پیغامات اول سے آخر خفیہ ہوتے ہیں، لہذا اس قانون کی تعمیل کرنے کے لئے واٹس ایپ کو پیغامات بھیجنے والوں کی شناخت کے ساتھ ساتھ اُن کے وصول کنندگان کی شناخت سے بھی پردہ اٹھانا پڑے گا۔