واشنگٹن: امریکی صدر ڈونلڈ ٹرمپ نے کہا کہ وہ بھارت سے درآمدات پر عائد موجودہ 25 فیصد ٹیکس کو آئندہ 24 گھنٹوں میں “بہت زیادہ” بڑھا دیں گے، کیونکہ بھارت روسی تیل کی خریداری جاری رکھے ہوئے ہے۔
ٹرمپ نے CNBC کو دیے گئے ایک انٹرویو میں کہا: “وہ جنگی مشین کو ایندھن دے رہے ہیں، اور اگر وہ ایسا کرتے رہیں گے تو میں خوش نہیں ہوں گا،”
انہوں نے مزید کہا کہ بھارت کے ساتھ اصل مسئلہ یہ ہے کہ اس کے محصولات (ٹیکس) بہت زیادہ ہیں۔
تاہم، انہوں نے بھارت کے لیے کسی نئے ٹیکس کی شرح کا اعلان نہیں کیا۔